شاهد شيرين عبد الوهاب باكية: لم اعتزل من أجل حضن رجل

شاهد شيرين عبد الوهاب باكية: لم اعتزل من أجل حضن رجل

مجلة شباب 20

نفت الفنانة المصرية شيرين عبد الوهاب، في تسجيل صوتي جديد لها، أن تكون اعتزلت الفن من أجل رجل.

“شيرين” قالت: “أنا مش ممكن أكون فكرت في الاعتزال علشان أبقى في حضن رجل، أياً كانت صفته في حياتي، أنا دلوقتي أم و بمارس أمومة كنت محرومة منها لفترة طويلة، أنا الفترة اللي فاتت اشتغلت و عملت حاجات كتير أوي كانت صعبة عليا بس الحمد لله”.

و أضافت: “أنا ما سيبتش الفن علشان قصة حب، لأنه مش معقول إنسان واحد يكون سبب في إني أتعس كل الناس اللي بتحبني و تحترمني، و عايزة أقول للناس أرحموني أنا بربي بنتين و نفسيتي تعبانة شوية و بحاول أدفى ببناتي و بأقرب الناس ليا”.

ثم تهدج صوتها بالبكاء، و قالت: “صعبان عليا كل الوسط الفني، في فنانين كتير وقفوا معايا و بشكرهم من كل قلبي و بقولهم ألف شكر على جمال قلبكوا.. أنا مش عارفة إذا كنت هرجع و لا مش هرجع دي حاجة بتاعت ربنا”.

و نفت تماماً ما تردد عن كونها تستعد للسفر خارج مصر، قائلة: “أنا مش هسيب بلدي و مش هسافر أي حتة، أنا قاعدة في البيت اللي جمب مدرسة بناتي علشان أهتم بيهم، لكن مش هسيب بلدي و أسافر”.

و كانت الإعلامية نضال الأحمدية قد قالت في مداخلة هاتفية ببرنامج “صح النوم”، أن من أسباب اعتزال “شيرين” مرورها بقصة حب فاشلة دمرتها، و حولتها لإنسانة جريحة، مشيرة إلى أن الفنانة كانت مرتبطة عاطفياً بأحد الشخصيات الشهيرة.

مقالات ذات صله